free web hosting | free website | Business Hosting Services | Free Website Submission | shopping cart | php hosting
Tam Lin (Part 1)

Janet has kilted her green kirtle
A little aboon her knee,
And she has snooded her yellow hair
A little aboon her bree,
And she is to her father's ha,
As fast as she can hie.

Four and twenty ladies fair
Were playing at the ba,
And out then cam the fair Janet,
Ance the flower amang them a.'

Four and twenty ladies fair
Were playing at the chess,
And out then cam the fair Janet,
As green as onie glass.

Out then spak an auld grey knight,
Lay oer the castle wa,
And says, Alas, fair Janet, for thee
But we'll be blamed a.'

'Haud your tongue, ye auld fac'd knight,
Some ill death may ye die!
Father my bairn on whom I will,
I'll father nane on thee.'

Out then spak her father dear,
And he spak meek and mild;
'And ever alas, sweet Janet' he says,
"I think thou gaes wi child.'

"If that I gae wi child, father,
Mysel maun bear the blame;
There's neer a laird about your ha
Shall get the bairn's name.

'If my love were an earthly knight,
As he's an elfin grey,
I wad na gie my ain true-love
For nae lord that ye hae.

'The steed that my true-love rides on
Is lighter than the wind;
Wi siller he is shod before,
Wi burning gowd behind.'
.. .. ..
Francis James Child
.. .. ..
The English and Scottish Popular Ballads
.. .. ..

Part 2..

** ** **
Posted in alt.discuss.faery**

by Oisin, May, 2000

(**a.d.faery is a WebTv users only news group.)

What area of the forest do you wish to see?

(Home)(Page Index)(E Cards)
(Gifs)(Midis)(Faerie Calendar)(Tales & Lore)
(Faery Poetry)(Reading Room)(Missives)(Awards)

Sign My Guestbook Get your own FREE Guestbook from htmlGEARView My Guestbook

** ** ** **

If Guestbook 1 not working please sign Guestbook 2

Email Selene

Copyright 1999-2000 Annwn All Rights Reserved